Android 5.1 comeza a chegar a dispositivos Nexus
martes, 10 de marzo do 2015
A renovación de Android avanza a un ritmo moi pausado, e
antes de que a meirande parte dos smartphones insignia do ano pasado reciban a
actualización a Lollipop dende Google
xa anuncian
o lanzamento oficial de Android 5.1, versión que manterá o alcume de Lollipop e que está a comezar a súa
distribución para os dispositivos da familia Nexus.
Android 5.1 supón unha mellora na estabilidade e no rendemento do sistema
operativo, á vez que engade prestacións como o soporte para múltiples tarxetas
SIM, protección para os dispositivos e voz en alta definición para os móbiles
que sexan compatibles.
Deste xeito, se gozamos dun terminal con Android 5.1 e dobre SIM, cando fagamos
unha chamada o sistema deixaranos elixir a tarxeta coa que queremos facela,
buscando principalmente satisfacer aos usuarios que queiran ter nun único
terminal os seus números telefónicos persoal e profesional.
O sistema de protección de dispositivo permite que un smartphone perdido ou
roubado poida bloquearse até que alguén se identifique coa conta de Google coa
que se bloqueo, sendo imposible eliminar tal bloqueo incluso restaurando á
configuración de fábrica o dispositivo. Esta caracterÃstica será compatible con
todos os teléfonos con Android que cheguen ao mercado con Android 5.1 (ou sexa,
que moitos terminais anteriores non gozarán de tal nivel de seguridade).
E, finalmente, a tecnoloxÃa de voz en alta definición da que presumen algúns
operadores de telefonÃa móbil estará integrada en Android 5.1, de xeito que non
será preciso instalar software adicional para poder aproveitar esta tecnoloxÃa
que permite unhas chamadas máis nÃtidas.
Un detalle que tamén se mellora en Android 5.1 é o xeito de unirse a redes
Wi-Fi e emparellar dispositivos Bluetooth, o que poderá facerse directamente
dende o menú de acceso rápido, o que axiliza considerablemente a xestión de
conexións sen fÃos.