Amosan un iPhone executando Android

xoves, 22 de abril do 2010 Marcus Fernández

Sen dúbida a sorpresa da xornada foi un vídeo que apareceu na Rede na que pódese ver a un iPhone de primeira xeración cun sistema de arranque dual de xeito que pode operar tanto co iPhone OS 3 coma cunha versión adaptada do sistema operativo Android, pois parece ser que foron capaces de adaptar a plataforma móbil promovida por Google ao móbil de Apple, abrindo novas posibilidades ao trebello, aínda que polo momento só distribuíron parte dos ficheiros para poder crear un firmware de iPhone válido, pois parte dos documentos necesarios para permitir que corra Android no terminal de Apple non poden publicarse na web de xeito legal, de aí que estes primeiros pasos para levar Android aos terminais de Apple (é de agardar que fagan o propio co iPod Touch e o iPhone 3G/3GS) estean a realizarse na sombra, e nuns meses poderiamos ver finalmente un produto maduro, que entre outras cousas podería chegar a permitir o uso da tecnoloxía Adobe Flash no iPhone, así coma incrementar o potencial de uso do móbil de Apple.


Vídeo no que podemos ver Android correndo nun iPhone

PUBLICIDADE