Amosan figuras de Star Wars que estarán dispoñibles para Disney Infinity 3.0

venres, 5 de xuño do 2015 Marcus Fernández

Non parece haber dúbidas en que o xogo Disney Infinity 3.0: Star Wars vai ser todo un éxito este ano, polo feito de estrear dentro desta fórmula que combina o videoxogo con figuras físicas aos personaxes da franquía galáctica creada por George Lucas, reeditando así o éxito conseguido nas dúas anteriores entregas con personaxes de Disney e Marvel respectivamente.
Este xogo poderase adquirir nun Starter Pack que inclúe as figuras de Ahsoka Tano e Anakin Skywalker, pero para achegarse a un público máis amplo, non esquecerán á triloxía orixinal da saga cinematográfica, e hoxe desvelaron como serán as figuras que se ambientarán nas misións do xogo que chegan baixo o título Star Wars: Rise Against the Empire. Confírmase así que haberá figuras de Luke Skywalker, a princesa Leia, Han Solo, Chewbacca e Darth Vader, e entre as recreacións no xogo de escenas dos filmes teremos a posibilidade de explorar Tatooine (a pé ou en bantha), derribar un AT-AT en Hoth, subir en motos voadoras en Endor e incluso participar na mítica batallas espacial para destruír a Estrela da Morte.
Polo momento só sabemos que o xogo sairá á venda durante este ano, sen concretarse a súa data final.

O xogo permitirá recrear a batalla para destruír a Estrela da Morte



Luke Skywalker, Han Solo e Darth Vader son algunhas das figuras que poderán engadirse ao novo Disney Infinity 3.0


Adianto en vídeo do xogo

PUBLICIDADE