Altia e Liferay anuncian unha alianza estratéxica para transformar as experiencias dixitais en España

Altia, compañía tecnolóxica galega con máis de 30 anos de experiencia acompañando ás organizacións nos seus procesos de transformación tecnolóxica, e Liferay, Inc., provedor líder de Plataformas de Experiencia Dixital (DXP), anunciaron unha alianza estratéxica deseñada para dotar ás organizacións en España das ferramentas necesarias para crear, xestionar e escalar experiencias dixitais de primeiro nivel.
Explican que “grazas á combinación da DXP cloud-native de Liferay e a ampla experiencia de Altia aplicando unha visión innovadora da tecnoloxía a proxectos de alto impacto para organizacións de todo o mundo”, poderase acelerar o tempo de lanzamento ao mercado de solucións personalizadas e centradas no cliente, que respondan as esixencias cambiantes dunha audiencia cada vez máis dixital.
“Converternos en partner de Liferay reforza o noso compromiso coas plataformas dixitais como motor de crecemento para as organizacións”, sinalou Víctor Fariña, director de Dixital Experience & Content Platforms en Altia, engadindo que “na empresa levamos máis de 15 anos traballando para que os nosos clientes saquen o máximo partido de Liferay, combinando tecnoloxía, experiencia e coñecemento do negocio para crear solucións que evolucionan co tempo e xeran un impacto real nas organizacións”.
Pola súa banda, Beatriz Escobar, xestora xeral de Liferay en España e Portugal, explicou que “en Liferay, os partners forman parte esencial das nosas operacións, e agora poderemos contar coa experiencia de Altia e a súa capacidade para sacar partido da plataforma Liferay, axudando aos clientes para obter resultados de forma máis rápida”.
Como novo socia estratéxica, a firma de Oleiros participará como patrocinadora no evento anual de clientes o Liferay Customer Summit, que terá lugar o próximo 27 de maio no Teatro Caixabank Principe Pío. Nesta 5º edición, Liferay presentará as súas últimas innovacións tecnolóxicas dedicadas á transformación das experiencias dixitais no mercado español.
En virtude desta colaboración, a empresa galega incorpórase a un ecosistema global (o de Liferay) formado por máis de 360 partners en 67 países, dedicados a axudar ás organizacións para resolver retos empresariais complexos mediante tecnoloxía flexible.