Allariz, un dos destinos favoritos polos internautas en 2020 segundo o portal Atrápalo
luns, 13 de xaneiro do 2020
- O casco histórico de Allariz nunha imaxe de Santi M. Amil
Atrapalo.com,
o popular portal de venda online de viaxe e experiencias,
comezou o ano facendo balance dos destinos que máis protagonismo van
ter neste 2020: os preferidos polos internautas que están a preparar
xa os seus itinerarios (ou a preparar a preparación). Entre
os puntos turísticos que máis popularidade van ter este ano atópase
o concello galego de Allariz.
Así
se fai saber no Estudo
de hábitos e tendencias de turismo 2020, un dos principais
informes sobre os gustos e as preferencias dos/das viaxeiros/as
españois no período 2019-2020.
A
investigación, segundo reflicte o Concello de Allariz, achega dúas
partes: unha na que prevé os lugares que serán protagonistas nos
vindeiros doce meses e un segundo que permite descubrir os destinos
máis vendidos durante o ano 2019, así como as preferencias dos
turistas á hora de elixir aloxamento. No que se refire ás
tendencias turísticas para o 2020, no apartado de escapadas
nacionais, Allariz ocupa o terceiro posto na lista dos dez primeiros
destinos predilectos para facer unha escapada.
Amais
de Allariz, entre as localidades recoñecidas este ano como “destinos
idóneos para unha viaxe curta” en territorio estatal de entre unha
e tres noites, atópanse as seguintes: Rodellar (Huesca), San José
(Almería), Villa de Valverde (El Hierro), Comillas (Cantabria),
Taramundi (Asturias), Guadalupe (Extremadura), Almagro (Ciudad Real),
Villafamés (Castellón) e Beget (Gerona).