Aliens: Colonial Marines déixase ver nun novo trailer
xoves, 24 de xaneiro do 2013
O 12 de febreiro chegará ás tendas en versións para
PlayStation 3, Xbox 360 e PC (plataforma para a que tamén estará dispoñible
mediante descarga) o xogo Aliens: Colonial Marines,
que máis adiante tamén contará con versión para Wii U, e que promete
converterse nun dos mellores xogos inspirados no universo creado nas pelÃculas
de Aliens e, moi especialmente, no
segundo filme da saga. Este novo xogo permitirá formar parte dun grupo de
Marines Coloniais dos EE.UU. considerados os militares máis duros da galaxia,
que deberán sobrevivir e exterminar unha praga de xenomorfos.
Como garantÃa da calidade deste xogo temos que o equipo que corre co seu
desenvolvemento é Gearbox, responsables de éxitos como Borderlands e Brothers in
Arms. A historia pretende ser unha secuela da Aliens de James Cameron, desenvólvese en contornos coñecidos das
pelÃculas (como Hadley’s Hope, a Sulaco e LV-426), empregaranse as mesmas armas
que nos filmes (rifles de pulsos, sensores de movemento e lanzachamas),
poderanse adqurir melloras e aumentos e terá como fortaleza un modo cooperativo
con incorporación inmediata de xeito que o xogador pode contar coa axuda dos
seus amigos para formar partidas de ata 4 usuarios para gozar xuntos do modo
campaña.
Para dar a coñecer o que ofrecerá este novo xogo veñen
de publicar un trailer subtitulado en español no que vemos aos Marines
Coloniais en acción: