Agestic presenta as súas novidades TIC para este ano 2008

A Sede da Fundación Caixa Galicia en Santiago de Compostela vai acoller, o vindeiro 13 de febreiro, a xornada de presentación en Galicia das Aplicacións de Business Intelligence na xestión empresarial para a mellora da competitividade que organiza Agestic.
Este evento servirá para darlles a coñecer a empresarios, xerentes e directivos -así como aos responsables de sistemas informáticos- as vantaxes do emprego de ferramentas de Business Intelligence na toma de decisións nas pequenas e medianas empresas galegas de calquera sector (industria, construción, comercio, hostalería, servizos...).
O devandito acto dará comezo ás 10:30 horas coa recollida da documentación e a formalización das inscricións e ás 11:00 horas, da man de Xosé María López Bourio, presidente de Agestic, dará lugar a presentación e a benvida dos asistentes.
Os relatorios que se levarán a cabo ó longo da mañá serán, Solucións Tic, económicas e eficaces para Pemes a cargo da consultora Oracle Business Intelligence Laura Martín e Implantacións de Business Intelligence: caso de éxito da man de Luis Mediero, xerente de Adiante, consultora tecnolóxica.