After Burner Climax chegará coma descarga en abril

martes, 30 de marzo do 2010 Marcus Fernández

Os afeccionados a vellos clásicos de recreativa deberán marcar os días 21 e 22 de abril na súa axendas, pois son as datas nas que chegará o agardado xogo After Burner Climax ao Bazar de Xbox LIVE Arcade e á PlayStation Store respectivamente, permitindo así rememorar a experiencia de xogo dun título arcade nas consolas de videoxogos de alta definición a través de 20 niveis nos que poderá pilotarse un F-14D Super Tomcat de Northrop Grumman, o F-15E Strike Eable ou o F/A-18E Superhornet de Boeing, que poden personalizarse con 4 pinturas diferentes.
After Burner Climax conta con 4 modos de xogo (adestramento, arcade, ex opción e clímax), distintas armas (combinando mísiles ou balas segundo a distancia ao inimigo) e premios desbloqueables por parte dos xogadores máis hábiles. O seu prezo de venda será de 800 puntos (9,6 euros) para Xbox 360 e 9,99 euros para PlayStation 3.

PUBLICIDADE