Adaptan Profanation a iOS
luns, 27 de maio do 2019
Un dos xogos máis desafiantes da historia, o Abu Simbel Profanation, que en 1985
causara furor en ZX Spectrum, Amstrad CPC e MSX, converténdose nun dos tÃtulos
máis lembrados de Dinamic, volve estar de actualidade grazas a Iván Cerra, quen vén de
publicar unha homenaxe a este xogo en forma de adaptación para iOS, de xeito
que os usuarios de iPhone e iPad poden descargar de
balde na App Store o xogo Profanation.
O xogo conta a historia de Johny Jones, vÃtima dun feitizo, que vese obrigado a
ir Exipto na procura do templo de Abu Simbel para atopar alà o sortilexio que o
devolva á normalidade.
Esta aventura está dividida en 45 habitacións de
dificultade extrema, nas que hai que esquivar inimigos e perigos que farán
perder unha vida co mero contacto.
Pero esta non é a única homenaxe a Profanation
que puidemos ver ultimamente, senón que tamén chegaron
a desenvolver unha secuela para Amstrad CPC, que pode
descargarse de balde, de xeito que os amantes da retroinformática teñen un xeito diferente de rememorar un clásico
dos videoxogos españois.
VÃdeo no que podemos ver o Profanation para iOS en acción