Activision podería estar a preparar un Dance Hero

Imaxe dun dos xogos de baile para salóns recreativos

Entre tanto Guitar Hero e SingStar case nos tiñamos esquecido dos xogos de baile, e agora parece que poderían rexurdir, e mentres se preparan títulos coma Dancing Stage Universe 2 (que chegará en novembro para a Xbox 360) os responsables de Guitar Hero, Activision, veñen de rexistrar a marca Dance Hero, o que podería darnos a entender que se iniciará outra nova guerra de títulos musicais que se xuntan aos de karaoke e rock.
Haberá que agardar para ver se no Nadal comezan a quecerse os motores deste xénero, pois 2009 podería ser o ano no que este tipo de xogos volvese a estar de moda. Os xogos de baile xa foran lanzados por Konami hai 10 anos no Xapón, chegando a exportarse ao resto do mundo e conseguindo un éxito relativo en salóns recreativos e consolas domésticas.