Accesorio para converter o mando da Wii nunha espada de luz

luns, 29 de setembro do 2008 Marcus Fernández

Os usuarios da Nintendo Wii que queiran dotar de máis realismo a xogos coma o actual El Poder de la Fuerza ou o futuro Clone Wars poden adquirir un accesorio de Thrustmaster para os mandos da Wii, que é un engadido que converte o mando tradicional nunha espada de luz de Star Wars con efectos luminosos achegados a través de 17 LED alimentados por 3 pilas AAA (que lle achegan unha autonomía dunhas 40 horas).
O par de Glow Sabers véndense a 34,99 dólares, e as espadas son de cor vermello e azul, para darlle máis emoción aos enfrontamentos entre xogadores. Para maior seguridade dos cativos estes accesorios son dun plástico flexible e con bordes redondeados.

PUBLICIDADE