Academia Postal 3 achega un curso de balde sobre competencias dixitais básicas
martes, 5 de novembro do 2019
Academia
Postal 3, con sede central en Vigo, está a organizar estes días
un curso de balde sobre Competencias Dixitais Básicas, dirixido a
empregados e autónomos de empresas de telecomunicacións e fibra
óptica e co obxectivo de fornecelos das habilidades e coñecementos
tecnolóxicos de base que lles permitan aproveitar a riqueza das
novas posibilidades asociadas aos recursos dixitais, “de acordo coa
recomendación 2006/962/CE do Parlamento Europeo”.
Trátase
dun curso cen por cen de balde, financiado polo SEPE (Servizo Público
de Emprego Estatal) na súa integridade, polo que no implica gasto
algún nin para o alumnado nin para a empresa. A actividade formativa
desenvolverase en formato online, de xeito que os
participantes pódeno realizar no tempo que eles mesmos organicen e
dispoñan. Ao remate do curso entregaráselles un diploma oficial.
Segundo advirte a Academia Postal, a actividade formativa está a ter
un importante seguimento, polo que van ficando poucas prazas
dispoñíbeis. As persoas que estean interesadas en inscribirse
deberán facelo a
través do formulario en liña habilitado.