Abren as reservas das vindeiras Xbox
luns, 21 de setembro do 2020
Despois
de que as primeiras unidades de PlayStation 5 abrisen as súas reservas en múltiples
cadeas comerciais dun xeito bastante caótico (levando incluso a Sony a pedir perdón
polo acontecido e asegurar que haberá novas oportunidades para reservar as súas
novas consolas) dende Microsoft quixeron ser máis prudentes e anuncian que as
reservas da Xbox Series X, a consola máis potente da historia, e a Xbox Series
S, a consola máis compacta e económica da nova xeración, abrirán
as súas reservas mañá mesmo a prezos de 499,99 euros e 299,99 euros
respectivamente, tendo que agardarse ao 10 de novembro para que estas máquinas
cheguen ás tendas.
AÃnda que semella claro que os usuarios que busquen a mellor versión dos xogos
multiplataforma de cara á nova xeración irán de cabeza a pola Xbox Series X, xa
que estamos ante unha máquina cunha potencia sen igual no mundo das consolas,
que goza das vantaxes dun completo catálogo de fondo grazas á
retrocompatibilidade con todas as xeracións de Xbox; existe unha grande
curiosidade por ver como funcionan as reservas da Xbox Series S, que destaca por
ser a consola máis económica da nova xeración, asà como por non contar con
lector de disco, polo que parece evidente que está orientada a subscritores de
Xbox Game Pass, o que é unha proposta moi interesante, xa que leva a ver as
consolas de videoxogos como un servizo de subscrición, o que pode convencer a
moitos xogadores non intensivos, que simplemente buscan unha consola doméstica
para os momentos de lecer.
Entre as tendas nas que será posible efectuar a reserva estarán a Microsoft Store, Amazon, MediaMarkt,
Fnac e GAME.