Abanca investiu 100 millóns en 2016 na renovación da súa infraestrutura tecnolóxica
xoves, 16 de febreiro do 2017
Abanca
vén de amosar os seus resultados para o ano 2016, un informe que
guinda uns beneficios de 334 millóns e que sitúa o aumento da
rendibilidade nun 9,7%, achegando ao mesmo tempo un 14,7% de capital
CET 1 (un dato que confirmarÃa a continuidade da entidade bancaria
galega entre as bancas máis solventes do sector financeiro estatal).
A xeito de resumo deste reconto, Abanca obtén un aprobado en termos
de rendibilidade, crecemento do negocio minorista e calidade dos
activos. En canto a innovación, neste 2016 Abanca investiu 100
millóns de euros na renovación da súa infraestrutura tecnolóxica.
A
entidade introduciu un novo modelo de oficina máis tecnolóxica e
funcional, dotou á súa rede de novos caixeiros multifunción,
potenciou a súa presenza en comercios con novos dispositivos TPV, e
achegou aos seus xestores novos recursos de servizo ao cliente a
través do uso xeneralizado de tabletas Microsoft Surface Pro.
Outro
punto no que se apoiou a Abanca foi na estratexia de dixitalización
para adaptarse aos novos hábitos do cliente: amais de reforzar as
funcionalidades da súa banca electrónica, lanzou ferramentas de
pagamento como Abanca Pay, Samsung Pay e Abanca Cash e introduciu
melloras como a tecnoloxÃa contactless nas súas tarxetas.
Emporiso,
o esforzo feito pola entidade no eido da innovación tivo os seus
resultados: as transaccións dixitais representaron o 43% do total,
as interaccións dixitais con clientes medraron un 41% e o número de
usuarios de banca móbil incrementouse nun 37%.