Abanca achéganos cunha nova app ás ofertas do comercio de proximidade
luns, 20 de maio do 2019
Abanca
vén de ampliar cunha aplicación móbil o abano de servizos
comerciais para os clientes, poñendo en foco, desta volta, en
impulsar o comercio de proximidade: os locais a pé de rúa. A
principal funcionalidade da ferramenta é que permite acceder a
ofertas exclusivas deste tipo de establecementos. A aplicación
móbil, que forma parte de Alavuelta (o
servizo dixital de análise de datos a gran escala -Big Data-,
venta online e mercadotecnia para comercios de Abanca),
poranos no noso dispositivo información sobre ofertas que poden ser do
noso interese, ao tempo que nos conta o que acontece en negocios e
restaurantes que encaixan cos nosos gustos.
O
servizo estará a disposición de clientes e non clientes da entidade
financeira. “O obxectivo desta app é conectar a comercios e
clientes para que se poidan relacionar coas mesmas funcionalidades
que usan as grandes plataformas tecnolóxicas”, sinala ABANCA,
engadindo que o miolo da ferramenta é tirar proveito das técnicas
de Intelixencia Artificial para ofrecer aos cidadáns “unha app
totalmente personalizada e adaptada aos seus gustos e intereses para
que vivan o mellor das experiencias que ofrece o comercio local coas
facilidades que aporta o mundo dixital”, explica Juanjo García
Serrano, xerente de Intelixencia de Clientes de Abanca.
Con
máis de 250 comunicacións e plans de fidelización activos,
a app xa se pode descargar nas tendas de Android e iOS.