AUO presenta unha pantalla flexible de papel electrónico de 6 polgadas

AU Optronics Corp. (AUO) anunciou unha serie de aplicacións innovadoras na tecnoloxía de papel electrónico coma un módulo de 20 polgadas (que sería o máis grande do mercado) e outro de 6 polgadas que destacaría por ser flexible.
A produción deste tipo de pantallas de papel electrónico flexible podería comezar en 2010, e podemos destacar que ofrece 16 niveis de gris e unha relación de contraste de 9:1 (fronte o 7:1 de dispositivos coma o Kindle).
AUO tamén prepara unha pantalla de papel electrónico de 9 polgadas cunha resolución de 1.024 x 768 píxeles e un lector composto por dúas pantallas de 6 polgadas abatibles que pretende simular a experiencia de lectura dun libro tradicional.