A semana que vén Xiaomi presentará un móbil económico con 5G

mércores, 4 de decembro do 2019 Marcus Fernández

Durante o cumio organizado por Qualcomm están a pórse sobre a mesa os plans de lanzamento da plataforma tecnolóxica que levará o 5G a smartphones nos vindeiros meses, e unha das compañías que irá en cabeza desta revolución será Xiaomi, que confirmou que será un dos primeiros fabricantes en integrar procesadores Qualcomm Snapdragon 865, de xeito que o seu vindeiro móbil insignia, o Mi 10, poderá presumir de 5G.
Pero o máis interesante desta serie de anuncios é que non haberá que agardar a 2020 para ver móbiles de Xiaomi con novos procesadores 5G, senón que o vindeiro día 10 presentarán para o mercado chinés do Redmi K30, dispositivo da gama económica de Xiaomi que integrará o novo procesador Snapdragon 765 con 5G (tamén coñecido como Snapdragon 765G) que non se limitará a contar co 5G NSA (o actualmente presente na meirande parte de mercados, considerado de transición), senón que tamén será compatible con 5G SA (o 5G que funcionará a longo prazo).

PUBLICIDADE