A primeira PlayStation celebra os seus 20 anos
mércores, 3 de decembro do 2014
Hoxe é
un dÃa moi especial para Sony, xa que a
compañÃa nipoa está a celebrar o 20º aniversario da PlayStation, consola
que foi toda unha revolución por atreverse a chegar ao mercado nun momento no que
SEGA e Nintendo acaparaban o sector, e conseguiu converterse no grande
referente, cunha proposta moi sólida e unha marca que xa acubillou 4 xeracións
de consolas domésticas, 2 xeracións de portátiles e incluso xogos para
dispositivos móbiles.
Para
celebrar os 20 anos da primeira PlayStation van pór á venda unha edición
especial da PlayStation 4 que copia a estética da primeira integrante da
súa familia, cunha acabado na mesma tonalidade de gris da PlayStation orixinal
e empaquetada nunha caixa conmemorativa. O prezo desta PlayStation 4 tan
especial será de 499 euros e estará limitada a só 12.300 unidades (cantidade
inspirada na data de lanzamento da PlayStation). Dada a limitada produción
desta consola non poderá adquirirse a través das canles de distribución
habituais, e en breve darán detalles sobre como será posible facerse cunha destas
exclusivas consolas dende España.
VÃdeo promocional da edición especial da PS4 para celebrar os 20 anos de PlayStation
Ao alcance dun meirande número de xogadores están as ofertas
que hoxe mesmo lanza Sony na PlayStation Store, onde destacan especialmente xogos da primeira PlayStation,
como Oddworld: Abe’s Oddysee, Rayman, Tekken, Tekken 2 e Crash Bandicoot por só 1,99 euros, Tomb Raider e Tomb Raider II por 2,49 euros, Driver
por 1,49 euros, Final Fantasy VII por
4,99 euros e moitos outros clásicos a prezos bastante atractivos.
Para PlayStation 2 tamén ofertan Medal of
Honor European Assault a 2,99 euros e as distintas entregas de Grand Theft Auto a 3,99 euros. Tamén hai
un importante número de xogos para PSP, PS Vita e PlayStation 3 de oferta, de
xeito que os usuarios que non aproveitaron as promocións do Black Friday teñen
agora outra grande oportunidade para ampliar o seu catálogo de xogos
descargables nas consolas de Sony da anterior xeración.
