A filtración de Twtich non afectou a contrasinais nin tarxetas bancarias
xoves, 7 de outubro do 2021
A preocupante filtración
de datos de Twitch parece ser menos grave do esperado, e dende Twtich
queren tranquilizar aos usuarios asegurando que non
atoparon evidencias de que as credenciais dos usuarios estivesen en perigo
(de aà que non advertisen masivamente aos usuarios para mudar de contrasinal) e
tamén destacaron que os números de tarxetas bancarias non están almacenados nos
seus servidores, polo que en ningún momento correron risco.
Aseguran que a filtración foi posible por mor dun cambio de configuración dun
servidor, que facilitou que un terceiro malicioso puidese coarse, intrusión que
aÃnda están a analizar minuciosamente. Como medida de seguridade o que si están
a reiniciar son as chaves para a realización de emisións en directo, ou sexa,
que os usuarios que empreguen ferramentas como a versión libre de OBS que
configurasen manualmente o servidor de destino das súas emisións deberán copiar
as novas chaves tamén manualmente, mentres que en todos os sistemas nos que tal
configuración se realiza a través de contas de Twitch a actualización desta
información será automática, de xeito que os usuarios de Twitch Studio,
Streamlabs OBS, Xbox, PlayStation e a aplicación móbil de Twitch non terán que
realizar ningunha acción para empregar as novas chaves de emisión.