A ciberdelincuencia centrou unhas xornadas no pazo de Mariñán
venres, 20 de setembro do 2019
Esta
semana falouse na nosa terra de ciberseguridade e das tecnoloxías
que teñen o potencial de protexer outras tecnoloxías,
imprescindíbeis para o avance da actividade comercial nas redes,
para a universalización do coñecemento e para o impulso da
eAdministración. Estamos
a falar das sesións sobre protección dixital inseridas na Escola de
Verán do Ministerio Fiscal, que xuntaron no pazo de Mariñán
(Bergondo), a fiscais de xuristas de toda España para afondar na
cuestión dos ciberdelitos e a criminalidade informática.
Na
cita, este xoves 19, participaron a fiscal xeral do Estado, María
José Segarra, o presidente da Deputación da Coruña, Valentín
González Formoso, e o director xeral de Xustiza, Juan José Martín.
Segarra
salientou “a colaboración institucional da Deputación da Coruña
e a Xunta de Galicia que, dende hai 18 anos, fai posíbel a
celebración destas xornadas na provincia da Coruña e que "nos
permite plasmar a forma de traballo dos fiscais".
Pola
súa banda, o presidente da Deputación, Valentín González Formoso,
deu a benvida á provincia da Coruña aos participantes na Escola de
Verán e gabou o importante labor que desenvolven no ámbito da
xustiza, “xunto coa da educación, unha das máis importantes do
ámbito público”. Formoso afirmou que a revolución tecnolóxica
que vivimos “fai que o mundo cambie a un ritmo vertixinoso e as
administracións, tamén a xustiza, debemos adaptarnos a ese ritmo”.
O
director xeral de Xustiza, Juan José Martín, destacou tamén a
longa traxectoria de colaboración que permite que estas xornadas se
celebren en territorio coruñés e repasou algunhas das temáticas
tratadas nas xornadas, sempre relacionadas coa actualidade.