A busca xestual chega a Android

xoves, 4 de marzo do 2010 Marcus Fernández

O sistema operativo móbil Android continúa a innovar da man dos laboratorios de Google, de xeito que non se limitan a emular prestacións de terminais coma o iPhone, e fan camiño con aplicacións coma Gesture Search, que é un buscador integrado no móbil que permite localizar de xeito rápido un contacto, unha aplicación, un marcador ou unha canción mediante xestos que debuxen letras na pantalla táctil dos dispositivos, de xeito que se facemos un A veremos coma en pantalla aparecen os resultados que comecen por tal letra, tras o que poderemos seguir introducindo as letras sucesivas mediante o mesmo mecanismo, contando tamén coa posibilidade de corrixir as grafías tachándoas virtualmente, mecánica á que estarán afeitos os que empregasen o recoñecemento de escritura nalgún Tablet PC ou na pantalla táctil dunha Nintendo DS xogando ao Brain Training.
Gesture Search achega un novo xeito de localizar contidos nos terminais con Android, que pode resultar moi práctico para moitos usuarios, que poden xa descargalo de balde do Android Market.


Demostración de Gesture Search nun Nexus One

PUBLICIDADE