A aula CeMIT de Ames acolle en marzo cursos para adultos e un obradoiro infantil para as vacacións
martes, 2 de marzo do 2021
A
aula
CeMIT do Concello de Ames programou novos cursos telemáticos para o
mes de marzo dirixidos ao público adulto, unha liña de
actividade formativa e capacitadora que se vai complementar cun curso
virtual infantil durante as vacacións de Semana Santa.
Este
luns, 1 de marzo, comezou o curso de segundo nivel do obradoiro que
se celebrou en febreiro, o de procesador de textos con LibreOffice
Writer II, que se impartirá ata o 5 de marzo, de 17.30 a 19.00
horas. Trátase dunha actividade formativa de nivel medio a través
da cal afondarase no uso do procesador de textos, aprendendo como
manexar campos automáticos, cabeceira e rodapé, formato de páxina,
FontWork, sinaturas dixitais, etc.
Dende
o luns 8 ata o venres 12, impartirase o obradoiro de folla de cálculo
con LibreOffice Calc I, de 17.30 a 19.00 horas. Nel, os alumnos e
alumnas, aprenderan conceptos básicos de introdución ás follas de
cálculo: interface de LibreOffice Calc, introdución de datos e
formatado numérico, formato condicional, funcións básicas e
funcións con condicións. O nivel medio deste curso terá lugar a
semana do 15 ao 18 de marzo, de 17.00 a 19.00 horas. Nesta ocasión
afondarase no uso das follas de cálculo: función condicional SE,
funcións aniñadas, creación de gráficas, impresión das follas de
cálculo, conxelación de filas e columnas, ordenar e filtrar...
O
luns 22 de marzo comezará o curso de presentacións con LibreOffice
Impress. Rematará o venres 25 e impartirase de 17.30 a 19.00 horas.
Trátase dunhas clases de introdución ata o nivel medio de creación
de presentacións con Impress: peculiaridades das presentacións,
interface do programa, inserción e formatado dos elementos (cadros
de texto, imaxes, FontWork, táboas, gráficas, vÃdeos...),
animación e interacción das diapositivas, manexo de plantillas...
Curso
para nenos e nenas
Os
dÃas 29, 30 e 31 de marzo, coincidindo coas vacacións escolares de
Semana Santa, a aula CeMIT organiza un curso virtual para nenos,
nenas e adolescentes.
A
través de Youtube, en horario de 10.30 a 12.00 horas, poderase
asistir ao obradoiro de Scratch, a ferramenta de programación e
robótica educativa.
Este
obradoiro de Semana Santa pódese seguir dende a casa ben sexa en
solitario ou coa compañÃa da familia para aprender todos xuntos.