A app do Concello de Ponteareas xa recibiu case 650 descargas en menos de dous meses
venres, 2 de setembro do 2016
O
Concello de
Ponteareas vén de facer reconto dos froitos logrados até a data
pola súa aplicación móbil municipal, como
lembraremos presentada a comezos de xullo e co obxectivo de
“facilitar todo tipo de comunicacións coa veciñanza”. A
ferramenta, elaborada con medios propios polo Departamento de
Informática da Concellería de Novas Tecnoloxías e inserida no
marco do proxecto local Ponte Innova, leva xa dous meses dispoñíbel
en libre descarga para móbiles
iOS ou con
sistemas Android. Segundo fai saber o Concello, a app
xa recibiu presto de 650
descargas, “un dato que avala que imos no camiño correcto”,
explicou o concelleiro de Novas Tecnoloxías, Benito Márquez,
engadindo que a ferramenta está a ser dende o seu arrinque un
recurso axeitado para achegarse máis á cidadanía.
Segundo
engadiu, a ferramenta “está a recibir moi boas críticas por parte
dos usuarios”. Entre as funcionalidades mellor valoradas pola súa
utilidade, explicou, atópase a opción de coñecer en cada momento
cal é a farmacia de garda na vila. Do mesmo xeito, Benito Márquez
sinalou que “dentro de pouco temos pensado implantar algunhas
novidades para mellorar a navegación e acceder a toda a información
dunha forma máis áxil e intuitiva”.