A aplicación galega Pandeireta PRO consegue liderar as descargas para iPad na App Store (NOVA ACTUALIZADA)
venres, 28 de decembro do 2012
- Alejandro Lamas anunciou as novas versións que preparan de Pandeireta PRO
Hai pouco máis dunha semana o selo galego Taptil sorprendeu ao mundo
estreando na App Store unha aplicación universal para iOS chamada Pandeireta
PRO, unha aplicación móbil que podemos definir como un simulador de
pandeireta que facilita a interpretación de muiñeiras, xotas, maneos ou pasodobres
dende dispositivos móbiles e incluso con auriculares, detalle que agradecen os
apaixonados a este instrumento tradicional que asà poderán practicar con el de
xeito discreto na intimidade, e que no seu primeiro dÃa superou o milleiro de
descargas de balde na tenda de aplicacións de Apple, tendencia que foi en
incremento até conseguir hoxe mesmo liderar as descargas entre as aplicacións
gratuÃtas para iPad na App Store española.
- A aplicación está dispoñible para iPhone, iPod Touch e iPad
AÃnda que Pandeireta PRO non
conseguiu tan boa acollida na súa versión para iPhone (que polo tamaño do
dispositivo achega unha experiencia menos realista) a recepción do público por esta
ferramenta leva a Taptil a non limitarse en levar esta aplicación a novas
plataformas como Android ou Windows 8/RT/Phone 8, senón que, Alejandro Lamas de
Sixtema (unha das dúas compañÃas galegas que compoñen Taptil) confirmou que xa
están a traballar en dúas expansións de Pandeireta PRO, que non serán outra que
unha Tuna Edition (que promete acadar
certa sona en Compostela e outras cidades con tradición tunante) e mesmo unha versión competitiva que responderá ao nome de
Pandeireta Hero, seguindo asà os
pasos de xogos de éxito como Guitar Hero
ou Rock Band.
Dende Taptil anuncian novas versión de Pandeireta PRO tras o éxito da súa primeira entrega
- Pandeireta PRO achegará modo competitivo con Pandeireta Hero
ACTUALIZACIÓN (29-12-2012): AÃnda que a aplicación Pandeireta PRO estea a ter un éxito notable (está a piques de chegar ás 10.000 descargas), o feito de que chegase a liderar as descargas na App Store española é unha broma propia da data na que se publicou a nova. ¡Feliz DÃa dos Santos Inocentes!
