A Xunta mira ao ano 2030 para definir a súa nova estratexia dixital
xoves, 16 de maio do 2019
O presidente Alberto Núñez Feijóo informou durante a rolda
de prensa posterior ao Consello da Xunta da aprobación
do inicio do proceso de elaboración da Estratexia dixital de Galicia 2030,
un itinerario para a vindeira década destinada a que Galicia estea preparada
para afrontar os retos da futura dixitalización e poida beneficiarse das
oportunidades que ofrecen as novas tecnoloxÃas.
Feijóo explicou que esta nova estratexia pivotará sobre 4 piares que estarán
aliñados coas polÃticas europeas da futura dixitalización. O primeiro deles será
a capacitación dixital, xa que o 90% dos empregos requirirán esa cualificación,
en segundo termo, engadiu, favorecerase un clima de confianza e transparencia,
asegurando que as tecnoloxÃas emerxentes respecten a privacidade e as normas
éticas. O terceiro dos vectores favorecerá a consolidación dun ecosistema
dixital forte, e, por último, o cuarto dos piares contemplará a promoción do
liderado dixital coa misión de impulsar proxectos demostradores con impacto de
transformación nos diferentes sectores económicos.
A metodoloxÃa de elaboración da nova estratexia dixital derivará do Centro
Común de Investigacións da UE, polo que haberá tanto paneis de profesionais,
como unha comisión permanente de expertos. Ademais, será un proceso
participativo no que se terán en conta as achegas das empresas e dos axentes
sociais.
Galicia leva tempo apostando pola dixitalización, e a este respecto o presidente
da Xunta fixo hoxe referencia á Axenda Dixital de Galicia 2014 e 2020, coas que
se mobilizaron en 10 anos preto de 3.000 millóns de euros entre capital público
e privado, facilitando, por exemplo que en 2018 o 50% dos trámites da
Administración Pública fosen telemáticos ou que no ensino todas as aulas desde
5º de primaria a bacharelato conten con dotacións mÃnimas dixitais e preto de
20.000 estudantes utilizan só o libro dixital.