A Xunta estrea presenza oficial en TikTok
venres, 20 de xaneiro do 2023
A Xunta de
Galicia vén de estrear perfil
institucional en TikTok co obxectivo de crear e divulgar información de
interese para a mocidade galega. Deste xeito, e aproveitando a bagaxe do amplo
seguimento nas páxinas oficiais de Twitter e Facebook (cuxas contas suman máis
de 320 mil seguidores), o Executivo autonómico aposta por seguir reforzando a
súa comunicación dixital e por aumentar a difusión das iniciativas postas en
marcha en Galicia nunha das redes sociais máis empregadas na actualidade pola
xuventude.
Entre
os principais obxectivos do proxecto está o de renovar o xeito de facer chegar
información relevante á mocidade e á poboación en xeral, comunicándoa de
maneira dinámica e informal. Ao mesmo tempo, búscase favorecer o alcance e
visibilidade de medidas de interese para un sector da poboación que está a
empregar habitualmente este medio para permanecer informado.
Os contidos que
estarán dispoñibles a partir de hoxe inclúen publicacións de temáticas como a
cultural ou a gastronómica, pero tamén a cientÃfica, a medioambiental ou a
económica, entre moitas outras.
A conta de TikTok
chega para funcionar como un espazo de contidos especializados, especificamente
traballados e de interese para o público da plataforma. AsÃ, empregarase unha
linguaxe máis próxima, afastada de termos técnicos e co estilo de comunicar
propio desta plataforma, como se pode apreciar na primeira publicación do
perfil.
Recomendacións
culturais, novas convocatorias de axudas para a xente moza, receitas con
produtos de proximidade ou vÃdeos de concienciación sobre violencia de xénero
ou o fomento do uso da lingua galega, por exemplo, serán algúns dos contidos
que estarán dispoñibles nas vindeiras semanas nesta nova plataforma.