A Xunta e ATIGA queren poñer a transferencia tecnolóxica ao máximo rendemento
luns, 6 de maio do 2019
O
conselleiro de Economía, Francisco Conde, reuniuse hoxe cos
representantes de ATIGA,
entidade integrada por Aimen, o Centro Tecnolóxico Gradiant, o CTAG,
o ITG (Instituto Tecnolóxico de Galicia), ANFACO-CECOPESCA e o
EnergyLab. O obxectivo da reunión foi preparar o vieiro para
iniciativas conxuntas que sitúen a Galicia como referente en centros
tecnolóxicos, en innovación, en excelencia e en transferencia.
Neste
senso falouse da necesidade de estar en estreito contacto coas
necesidades do tecido industrial e empresarial do noso terra, co fin
de darlle solucións concretas para os seus retos de transformación.
Conde
subliñou o importante papel que os centros de ATIGA están a ter no
cambio de modelo produtivo que atravesa o tecido industrial galego e
trasladou o compromiso da Xunta para “seguir colaborando no
obxectivo de facer de Galicia un referente da Industria 4.0”.
Asemade,
lembrou a decisiva participación que van ter os centros no
impulso dos hubs de innovación dixital presentados a semana
pasada: dúas iniciativas pioneiras para darlles ás PEME o que
precisan en materia de Big Data (análise de datos a gran
escala), Intelixencia Artificial ou Internet das Cousas.