A Xbox One sairá á venda sen o sensor Kinect
martes, 13 de maio do 2014
A actual xeración de consolas de videoxogos parece condenada
a levar a Microsoft pola senda das retractacións, e ao igual que cando chegou
ao mercado a Xbox One non precisou da esixencia de conectar a consola á
Internet cada 24 horas (como se comentara anteriormente), agora anuncian que
volven a escoitar aos usuarios e o vindeiro 9
de xuño porán á venda unha versión da súa nova consola que non incluirá o
sensor Kinect, co que permiten reducir o seu prezo ata os 399 dólares nos
EE.UU. (espérase que en España quede en 399 euros) quedando á altura da
PlayStation 4, o que evitará a situación actual na que un prezo 100 euros máis
baixo levou a que Sony colléralle unha importante vantaxe a Microsoft en vendas
(pese a contar a Xbox One cun catálogo de xogos máis completo).
Outro detalle importante para a última consola de Microsoft é que vai mudar a
súa polÃtica de servizos en liña, de xeito que para poder acceder ás
plataformas de vÃdeo como Twitch, YouTube ou Netflix xa non precisará de
subscricións de pagamento a Xbos LIVE, o que incrementa o valor engadido da
propia consola.
- Os usuarios de Xbox LIVE Gold recibirá sen custo adicional en xuño o xogo Super Street Fighter IV: Arcade Edition para Xbox 360
Outra das grandes novas de Microsoft é a mellora dos seus programas de xogos de
balde para os seus usuarios, e Games with
Gold está a mellorar considerablemente para pórse á altura de PS Plus,
ofrecendo xogos de bastante calidade e sona, especialmente se atendemos aos
tÃtulos que os usuarios de Xbox LIVE recibirán no mes de xuño para Xbox 360: o
clásico moderno Dark
Souls, Charlie
Murder e o popular Super
Street Fighter IV: Arcade Edition. O programa tamén espállase á Xbox
One, e iniciarase cos xogos Max:
The Curse of Brotherhood e Halo:
Spartan Assault.
A Xbox One tamén contará a partir de xuño con Deals with Gold, unha serie de ofertas en xogos como Forza Motorsport 5 ou Ryse: Son of Rome, que poderán
adquirirse cun desconto de entre o 50 e o 75%.
VÃdeo no que anuncian a versión de Xbox One sen o sensor Kinect