A Terra Media sumirase nas Sombras de Guerra en agosto
martes, 28 de febreiro do 2017
O xogo
La Tierra Media: Sombras de Mordor
conseguiu ser un grande éxito en 2014, até o punto de considerarse como o tapado do
ano, que colocaba ao xogador no rol dun explorador resucitado na procura de
vinganza, e destacaba especialmente polo Sistema Némesis (que constrúe
relacións cos inimigos, de xeito que cada sesión de xogo serÃa única), e agora
anúnciase que o 25 de agosto teremos a súa inevitable secuela, La Tierra Media: Sombras de Guerra, dispoñible
para PS4, Xbox One e PC, destacando o feito de que a versión para Xbox One estará
dentro do programa Xbox Play Anywhere (ou sexa, que será posible mercalo en
dixital para consola e poder xogalo igualmente baixo Windows 10).
Neste novo tÃtulo os xogadores poderán empuñar un novo anel de poder e
confrontarse a inimigos mortais como Sauron e o seu Nazgul, nunha monumental
batalla pola Terra Media. A nova aventura recuperará aos heroes da anterior
entrega e permitirá unha maior penetración nas liñas inimigas para formar un
exército coa esperanza de dirixir a todo Mordor contra o Señor Escuro.
Sombras de Guerra contará cunha
versión expandida do Sistema Némesis, de xeito que os personaxes irán tomando
forma en función das accións e decisións do xogador, repetindo asà a sensación
de ter unha experiencia única en cada partida.
O vindeiro 8 de marzo está prevista a presentación mundial deste xogo, que será
cando finalmente o vexamos en acción.
Tráiler oficial de La Tierra Media: Sombras de Guerra