A TVG ofrece en primicia novos episodios de Método Criminal a través da web

venres, 21 de maio do 2021 Marcus Fernández

A Televisión de Galicia leva uns días dinamizando a súa presenza na Rede, con retransmisións en directo a través de YouTube e Twitch, e agora tamén potenciando EnSerie.gal, sección do seu servizo de televisión á carta destinado ás series de ficción, que dende hoxe ofrecen capítulos da serie de humor Método Criminal antes da súa emisión a través da televisión tradicional.
O capítulo 16 da serie, cuxa emisión está prevista para o vindeiro domingo, xa está dispoñible en EnSerie.gal, pero tamén o capítulo 17, de xeito que a web da Galega tería unha vantaxe de 2 episodios fronte a TDT, o que pode lembrar á estratexia que seguen outras canles de televisión, que ofrecen episodios en primicia a través das súas plataformas de vídeo baixo demanda.
Será interesante ver se este tipo de estratexia consegue que o servizo de vídeo baixo demanda incremente o seu uso, aínda que cómpre lembrar que EnSerie.gal é unha canle chamada a ser substituída por unha OTT propia da CRTVG na que estarán dispoñibles os contidos de ficción da Galega.

JPEG - 109 KB
EnSerie.gal ofrece actualmente un par de emisodios de Método Criminal inéditos en televisión

PUBLICIDADE