A Rede de Dinamización presenta o seu programa de actividades para xaneiro en Boiro
xoves, 7 de xaneiro do 2010
A Rede de Dinamización da
Sociedade da Información, en colaboración co concello de Boiro, vén de anunciar
novas actividades de achegamento ás novas tecnoloxías que terán lugar no mes de
xaneiro no Centro
de Dinamización da vila.
Os obradoiros que se van
desenvolver e as datas nas que terán lugar son os seguintes:
-Iniciación á Informática: curso aberto á poboación
en xeral, que busca capacitar ás persoas asistentes no manexo de arquivos,
cartafois, ligazóns, ferramentas en liña… con certa soltura, así como coñecer
de primeira man e saber das funcionalidades básicas que ofrece un computador.
Desenvolverase de 11 a
13 horas desde o luns 11 ao xoves 14.
-Iniciación a Internet: este obradoiro vai
destinado á poboación en xeral que desexe coñecer as chaves da Rede e usar os
seus recursos e ferramentas de maneira básica. Levarase a cabo de 11 a 13 horas do 18 ao 21 de
xaneiro.
-Procesador de textos: este obradoiro busca
capacitar ás persoas asistentes na creación e modificación de documentos de
textos empregando o OpenOffice Writer, baseado en software libre.
-Mecanografía: destinado a poboación xeral, este obradoiro está
pensado para capacitar ás persoas asistentes no manexo correcto do teclado así
como mellorar a súa soltura á hora de trascribir textos. Levarase a cabo dende o 25 ao 29 de xaneiro en
horario de maña de 11 a
13 horas.
Asemade, está prevista a
realización da charla As Nova Tecnoloxías
na vida cotiá, que terá lugar o día 22 deste mes ás 11 horas na sala
audiovisual do 1º andar do Centro social boirense. Este relatorio consistirá en
mostrarlle á cidadanía todas as vantaxes que supón empregar as novas tecnoloxías
e Internet na súa vida cotiá.
O prazo de inscrición para
estas actividades estará aberto ata o comezo de cada unha delas ou, no seu
caso, ata finalizar as prazas dispoñibles.
Para inscribirse ou para
solicitar máis información sobre
estas e outras actividades, as persoas interesadas poden dirixirse ao Centro de
Dinamización de Boiro, sito no Centro Social, 2º andar, chamar ao teléfono
981.842.635 ou mandar un correo electrónico aos enderezos: natalia.rianxo@dinamiza.fundacioncalidade.org
e samuel.boiro@dinamiza.fundacioncalidade.org,
dinamizadores encargados deste centro.
