A Rede CeMIT conmemora o DÃa Mundial de Internet cunha programación especial
martes, 14 de maio do 2019
Un ano máis, a Rede CeMIT celebra o DÃa Mundial de Internet,
que terá lugar o vindeiro 17 de maio, cunha programación
especial de actividades durante a segunda quincena de maio, que se suma ás
iniciativas que diariamente se realizan desde a Rede CeMIT na que se ofrecerán
máis de 240 actividades e 2.000 horas de formación.
As actividades programadas desde a Rede CeMIT con motivo
deste dÃa teñen como finalidade sensibilizar á sociedade galega sobre as
posibilidades do uso da internet e asà como da redución da fenda dixital e do
fomento do uso seguro e responsable.
Grazas á colaboración dos aliados dixitais do Plan de
Inclusión Dixital de Galicia 2020 e á labor dos responsables das aulas CeMIT,
entre o 15 e o 31 de maio, xunto coa programación habitual, ofrecerase un
catálogo de actividades orientadas a nenas e nenos e adultos achegándolles ao
eido da robótica, á seguridade en internet e ao uso de diferentes servizos
dixitais.
Actividades programadas
Ao longo da segunda quincena do mes de maio están previstos
a celebración de dous obradoiros de robótica educativa que serán impartidos
polo aliado dixital Altia e que terán lugar nas aulas CeMIT de Padrón e Ames.
A Asociación de Enxeñeiros de Telecomunicación de Galicia
(AETG), tamén en calidade de aliado dixital, realizará dúas charlas sobre fake news e a seguridade na rede na aula
CeMIT de Lugo e na aula CeMIT de Redondela, desde onde se retransmitirá por
videoconferencia a outras aulas CeMIT.
Desde a aula CeMIT de Abengondo, o aliado dixital Serbelt
Consultores, realizará un taller dirixido a particulares e autónomos sobre
facturación con solución de código aberto.
Adicionalmente, de forma online, póñense a disposición dos
cidadáns unha gran variedade de cursos a través da Plataforma de teleformación
EMA (Espazo Multimedia de Aprendizaxe).
O único requisito para poder asistir a todas estas
actividades gratuÃtas e programadas nas aulas CeMIT é solicitar praza na
localidade de interese, ben directamente na aula CeMIT de cada concello ou vÃa web.