A PlayStation 4 ofertarase co xogo FIFA 15 por tempo limitado
martes, 23 de setembro do 2014
Sony está a anunciar que dende o 25 de setembro e até o 3 de
outubro estará vixente unha atractiva promoción para os que queiran dar o salto
á nova xeración de consolas, xa que ofertarán
a nova PlayStation 4 co xogo FIFA 15
por só 399,99 euros, cando normalmente os lotes de PS4 + xogo teñen un
prezo de 449,99 euros.
Esta promoción busca facilitar que os novos xogadores de PS4 poidan gozar dun
dos grandes tÃtulos do anos ou, cando menos, dun dos xogos que máis horas
engancharán aos usuarios para xogar en rede, converténdose nun deses
imprescindibles para moitos xunto coas distintas entregas de Call of Duty, polo que estamos ante un
éxito garantido que permitirá gozar das bondades da nova xeración de consolas.
De feito, a última entrega de FIFA,
pese a que tamén terá versións para as consolas da anterior xeración, nestas
últimas edicións non contará coas grandes novidades anuais, limitándose a ser
unha sinxela revisión da edición do ano anterior, o que pretende ser un
incentivo para apostar pola versión de nova xeración, que progresará
especialmente en realismo, facendo cada vez máis doado que os usuarios se
somerxan na acción.