A Internet das Cousas e o Big Data contribuirán á vixilancia contra os incendios forestais
venres, 26 de xuño do 2020
- A Rede de Videovixilancia Forestal botou a andar en 2018.
A Xunta está a probar a aplicación de tecnoloxÃa
da Internet das Cousas (IoT) e técnicas de Big Data na Rede de Videovixilancia
dos Espazos Forestais de Galicia. Para esta fase de pilotaxe, que rematará a
finais de xuño, despregáronse dispositivos IoT en tres centros de
telecomunicacións da Rede, que permiten detectar, analizar e enviar datos de
parámetros atmosféricos que teñen incidencia nos incendios forestais como a
humidade, pluviometrÃa, temperatura, dirección e forza do vento.
A aplicación de técnicas de Big Data a esta
información contribúe a mellorar a predición e a coordinación da extinción dos
incendios forestais. Esta iniciativa, impulsada pola ConsellerÃa do Medio Rural
e a Amtega, vai a acompañada dun reforzo da Rede coa incorporación de 16 novos
centros e 32 cámaras de altas prestacións. Deste xeito, a Rede de
Videovixilancia Forestal está integrada por un total de 60 centros de
telecomunicacións e 120 cámaras. Este aumento de centros e dispositivos posibilita
a monitoraxe do 60% do territorio.
Cámaras de altas prestacións
A Rede de Videovixilancia dos Espazos
Forestais entrou en funcionamento en 2018 como un instrumento de apoio ao labor
de detección, prevención e seguimento de incendios. Para o seu despregamento
aproveitáronse as infraestruturas do operador público Retegal, instalando en
cada un dos 44 centros iniciais 2 cámaras de altas prestacións, dotadas de
visión nocturna, con capacidade para operar baixo temperaturas extremas e
resistentes a ventos furacanados.
Coa ampliación doutros 16 centros, a Rede
dispón de 120 cámaras, que facilitan unha cobertura visual de 1,8 millóns de
hectáreas, máis da metade do territorio galego, incluÃndo terreos das Parroquias
de Alta Actividade Incendiaria (PAAI), definidas asà no Plan de Prevención e
Defensa Contra os Incendios Forestais de Galicia (PLADIGA) da ConsellerÃa do
Medio Rural.
Plataforma para unha xestión integral
A Rede xestiónase de xeito centralizado a
través dunha plataforma tecnolóxica que posibilita a vixilancia remota dos
montes desde os centros de coordinación (Central, Provincial e de Distrito) as
24 horas do dÃa e permite aos axentes e técnicos forestais o acceso en tempo
real ás imaxes..
En caso de detectarse un lume o sistema
achega información visual en directo sobre o avance e as condicións do incendio
e permite xeoposicionar o punto que se está a visualizar en cada momento. Deste
xeito, a Rede ofrece un mecanismo de apoio á toma de decisións polas
autoridades e persoal técnico competentes para mobilizar e xestionar medios e
recursos para as labores de extinción.
Ademais, a plataforma integrarase coas
aplicacións empregadas polo Servizo de Prevención e Defensa Contra Incendios
Forestais (SPDCIF) como o Xeocode, baseada nun sistema de información
xeográfico que posibilita a xestión de alarmas, incendios, medios e persoal on
line a nivel de distrito, provincial e central.
