A ETSE de Enxeñaría de Santiago rememora os seus logros na súa festa do décimo aniversario

A Escola Técnica Superior de Enxeñaría de Santiago (ETSE) celebrou este xoves o seu décimo ano de vida, e fíxoo cun acto presidido, no propio centro emprazado no Campus Sur compostelán, polo reitor Juan Casares Long, quen estivo acompañado polo director da ETSE, Juan Lema, o ex reitor Senén Barro e máis o ex vicerreitor de Infraestruturas Antonio López. A celebración arrancou coa presentación da memoria de actividades da Escola durante 2010-2011 a cargo da secretaría do centro María Teresa Moreira.
Continuou coa entrega dos premios ao Mellores Expedientes e Mellores Proxectos Fin de Carreira, aos da Calidade Lingüística de Traballos Académicos, os Leonardo á Docencia e Leonardo á Iniciación e os de Docencia en inglés no curso 2010-2011. Ademais, entregáronse os premios Tecnocom e Coremain ao Mellor Traballo Fin de Grao en Enxeñaría Informática e o premio Coremain ao Mellor Traballo Fin de Master en Investigación en Tecnoloxía Informática.
A Escola Técnica Superior de Enxeñería é o centro máis novo da Universidade de Santiago. Foi creada en 2003 co obxectivo de acubillar as titulacións tecnolóxicas do campus compostelán nos ámbitos da enxeñarías ambiental, Informática e Química. Actualmente, acolle os graos en Enxeñaría Química e en Enxeñaría Informática, ademais do Master en Enxeñaría Ambiental, pioneiro en España; de Tecnoloxías da Información; Computacións de Altas Prestacións; e en Enxeñaría de Procesos Químicos e Ambientais; e en Enxeña.
Segundo fixo saber Juan Lema no acto de celebración, nos departamentos que dan acubillo a estas titulacións levan a cabo o seu traballo grupos de referencia, recoñecidos a nivel internacional. Ademais, salientou que a Escola “quere distinguirse polo seu espírito innovador en docencia e investigación e polo seu ambiente de traballo estimulante e amable, mantendo iniciativas innovadoras como o programa de Aula Profesional, onde se complementa a formación en capacidades transversais”.