A EGAP estrea unha nova plataforma de teleformación
venres, 11 de setembro do 2020
A
Escola Galega de
Administración Pública (EGAP) vén de actualizar a súa plataforma
de teleformación á versión 3.9 de Moodle, que é, segundo
lembra a escola, un sistema web de ensinanza que permite crear e
xestionar espazos de aprendizaxe online. A actualización
permite “mellorar a experiencia formativa do persoal empregado
público de Galicia, dotar aos docentes das ferramentas educativas
máis innovadoras e facilitar a administración interna dos cursos”,
segundo engadiu Vicepresidencia, de quen depende a escola.
Entre
as novidades máis destacadas atópanse a posibilidade de incorporar
materiais didácticos interactivos elaborados baixo o estándar H5P,
a mellora da navegación dentro dos apartados dun curso e unha maior
adaptación ás necesidades de cada usuario do taboleiro de cursos
inicial. Ademais, esta renovación fixo posíbel a reforma do sistema
de mensaxaría interna da aula, a posibilidade de enviar arquivos de
audio e vídeo por parte dos usuarios sen necesidade de instalar
aplicacións no dispositivo, a incorporación dun módulo de
intelixencia artificial para realizar notificacións ao alumno e a
mellora do módulo de enquisas, entre outras novidades.
“Todas
estes avances”, explica Vicepresidencia, “permitirán asumir con
eficacia a formación online impartida pola escola, que este
ano se viu incrementada a causa da pandemia, o que obrigou a
reconverter algunhas actividades programadas inicialmente como
presenciais”.