A Deputación de Lugo contribúe ao lecer nos fogares con iniciativas nas redes sociais
luns, 23 de marzo do 2020
Co
fin de paliar as consecuencias negativas do confinamento forzoso noso
nosos fogares por mor doa pandemia de COVID-19, a
Deputación de Lugo vén de lanzar unha serie de iniciativas nas
redes sociais para fomentar o entretemento e a divulgación nos
fogares. Por exemplo un feixe de vídeos elaborados polo Servizo
de Audiovisuais da entidade provincial. Tamén se busca, a través
desta iniciativa, fomentar a participación e interacción da
cidadanía con datos de interese sobre o patrimonio lucense: trátase
de mostrar diferentes recantos lucenses achegando información
curiosa mediante adiviñas e preguntas abertas.
Os
vídeos
O
Servizo de Audiovisuais da Deputación comparte nas súas redes
sociais unha serie de pezas do seu programa denominado Descubrindo
Lugo, que ten o obxectivo
de dar a coñecer, a través de vídeos breves, o patrimonio
paisaxístico e cultural da provincia. Neste momento en concreto,
“coa crise do coronavirus, o que queremos é abrir unha xanela
virtual a todos os que nos seguen nas redes, a modo de paseos e
visitas sen saír da casa e, ademais, é un bo xeito de ir tomando
nota para cando todo isto pase e poidamos ir en persoa a coñecelos”,
subliña a deputada de Promoción do Territorio e Turismo, Pilar
García Porto.
Ademais,
o Servizo de Audiovisuais conta cunha canle en Youtube
(https://www.youtube.com/user/FUNDACIONTIC)
na que se poden atopar noticias da actividade da Deputación,
reportaxes sobre eventos, citas gastronómicas, historias
interesantes e actos que se desenvolven ao longo do ano na provincia.
Preguntas
e adiviñas
A
deputada explica que dende as redes sociais da área que dirixe tamén
se fan varias propostas ao día en coordinación, en numerosas
ocasións, co Servizos de Audiovisuais. “Facemos preguntas sobre o
territorio, propoñemos adiviñas e enlazamos contido aos nosos
propios recursos que temos na aplicación móbil Inventrip e na nosa
propia web”.
Ademais,
nas redes sociais da institución provincial foméntase o
confinamento nos fogares baixo o cancelo #QuedaNaCasa. Ten como
obxectivo “concienciar á poboación da necesidade de facer caso ás
recomendacións das autoridades e advertila de que só debe saír á
rúa cando sexa imprescindible para evitar a propagación do
coronavirus COVID-19”.