A Cámara de Santiago impulsa un curso gratuíto de dixitalización do sector cultural

A Cámara de Santiago, en colaboración coa Fundación INCYDE a Cidade da Cultura, organiza un programa formativo gratuíto para impulsar a adaptación ás novas ferramentas e plataformas das empresas de contidos e creativas. O obxectivo fundamental do curso Transformación dixital, xestión empresarial e emprendemento nas industrias culturais é proporcionar unha visión global das distintas áreas funcionais da peme para poder determinar oportunidades de mercado e desenvolver un plan de mellora, “sempre coa axuda das ferramentas tecnolóxicas de xestión para favorecer a súa posta en marcha”.
O curso, que se desenvolve do 11 de outubro ao 19 de novembro, vai dirixido ás seguintes destinatarias:
• Persoas vencelladas ao mundo cultural e con interese en coñecer a importancia das industrias culturais e creativas.
• Emprendedores/as que conten cunha idea de negocio e desexen realizar un proxecto viable de creación de empresa cultural para a súa posterior posta en marcha.
Para máis información sobre o programa de actividades previstas e as inscricións, cómpre visitar a web da Cámara de Santiago.