A Cámara da Coruña móstranos como mellorar as vendas en liña

luns, 28 de novembro do 2022 S. P.

A Cámara da Coruña programou para estes días catro actividades formativas de transformación, a desenvolver entre o 29 de novembro e o 1 de decembro e enfocadas a mellorar as competencias craves da rede de vendas, á xestión de equipos e ao traballo en equipo, así como á mellora de resultados na venda online.
O curso Competencias clave dun vendedor excelente, que se celebra entre o 29 e o 30 de novembro de forma presencial, está deseñado para que profesionais de vendas coñezan e manexen as habilidades e ferramentas que conducen a resultados na operativa de xestión de venda.
Nas mesmas datas e tamén en modo presencial, terá lugar o curso Desenvolvemento de Liderado, deseñado para dar a coñecer as diferentes dimensións que implica a posta en práctica do rol de líder e como poñelas en práctica no día a día.
Entre o 1 e o 21 de decembro desenvolverase en formato online o curso Traballo en equipo, para para entender a importancia da figura do líder dentro dos equipos de traballo ou coñecer as competencias que debemos desenvolver de maneira individual para conseguir un traballo en equipo exitoso, entre outros temas.
Para o día 1 de decembro, en formato online, está programado o curso Tácticas de éxito para vender por Internet, no que se abordarán os pasos fundamentais que se recomendan seguir, antes de empezar a captar clientes por Internet, e as diferentes estratexias que existen para captar clientes con exemplos reais.

PUBLICIDADE