A Aula TIC PEMEs anuncia a nova edición do seu obradoiro virtual sobre CRM
mércores, 9 de outubro do 2013
Dende o dÃa 2 de
novembro de 2013 e até o o 15 de decembro de 2013 celebrarase dende
o campus de Lugo a sétima edición do Taller Virtual sobre Xestión
de Relacións con Clientes (CRM), baseado na
ferramenta de software libre vTigerCRM. Segundo informan os
organizadores desta actividade formativa (a Aula
TIC PEMEs da Universidade de Santiago), do mesmo xeito ca nas
anteriores edicións constituirase un obradoiro eminentemente
práctico e en liña. O curso, dirixido a particulares, autónomos e
pequenas e medianas empresas, está composto por un total de 50 horas
e inclúe un certificado acreditativo da dita Aula da USC unha vez
que os participantes superen a actividade. O seu custe é de 100
euros e o prazo para inscribÃrmonos remata o vindeiro dÃa 20 de
outubro.
Durante o desenvolvemento
deste obradoiro empregarase a aplicación web de software libre
vTiger CRM. O contido do curso inclúe a instalación e posta en
marcha da aplicación devandita, a familiarización coa contorna, a
manipulación dos rexistros (contactos e empresas), o proceso de
venda e postvenda, a xestión de inventario, as campañas de
mercadotecnia, a análise dos datos, a configuración do
administrador ou a posta en marcha do portal do consumidor, entre
outros.
Como dixemos, estamos
ante unha actividade de natureza práctica, baseada no emprego de
programas de código aberto e impartido integramente en liña a
través dun espazo virtual habilitado para tal efecto. A dinámica é
a seguinte: cada semana proporanse unha serie de materiais compostos
sobre todo por vÃdeo titoriais explicativos das temáticas descritas
no parágrafo anterior, de tal xeito que cada participante deberá
revisar os materiais facilitados e completar as tarefas semanais para
comprobar cal é o grao de aproveitamento dos módulos.
