A AELG achega un obradoiro de escritura en soportes dixitais impartido por Camilo Franco
xoves, 23 de setembro do 2021
A
Asociación de Escritoras e Escritores en Lingua Galega (AELG) vai
organizar unha actividade de divulgación e formación sobre
tecnoloxías tecnoloxías aplicadas ao quefacer literario. Trátase
do obradoiro Quedei sen papel. Escritura en soportes dixitais,
impartido por Camilo Franco. Será na cidade de Pontevedra, co
patrocinio e colaboración do Concello.
O
taller Quedei sen papel, segundo
informa a AELG, é un curso para orientarse nuns soportes que
se van multiplicando por temporadas e que, lonxe de reducir os
estilos, “piden xeitos diferentes para cada plataforma”. Segundo
engade a asociación, a historia ten constatado que cada cambio
técnico “produce alteracións artísticas”. Amais de capacitar
ás escritoras e escritores sobre estes cambios presentes e futuros,
o curso tamén se propón como unha oportunidade para mostrar “como
dous polgares poden escribir unha novela, aínda que non sexa a gran
novela en papel”.
Como
dixemos, a actividade será impartida por Camilo Franco, e contará
cunha sesión especial de Anna R. Figueiredo. Terá 8 sesións de
tres horas cada unha. Hai 9 prazas dispoñíbeis, para persoas
maiores de 18 anos. A inscrición, gratuíta e obrigatoria, farase en
oficina@aelg.org.
O
obradoiro desenvolverase na Aula da Escola de Escritoras-es da AELG
(Seminario 8), no Pazo da Cultura de Pontevedra. As persoas
participantes deben levar teléfono móbil ou tableta.
Desenvolverase
o venres 1 e sábado 2; venres 8 e sábado 9; venres 15 e sábado 16;
e venres 22 e sábado 23 de outubro de 2021.
Venres:
de 17:00 a 20:00 h.
Sábados: de 10:30 a
13:30 h.