Google anuncia Chrome, o seu propio navegador web
martes, 2 de setembro do 2008
- Scott McCloud explica as caracterÃsticas de Chrome nun cómic
Nos últimos anos
non foron poucos os rumores de que Google entrarÃa no mercado dos móbiles e dos
navegadores de Internet, negando a compañÃa sempre que fose a avanzar nesa
dirección. AsÃ, na actualidade Google traballa nunha plataforma de aplicacións
para móbiles (pero non nun móbil en si mesmo) e, pese a que sempre apoiaron aos
navegadores da Fundación Mozilla, parece que ao final tamén queren ter a súa
aplicación para moverse pola web, e onte publicaron un cómic de Scott McCloud
(autor de obras de referencia na divulgación da banda deseñada coma Entender
el cómic e La
revolución de los comics) no que se detalla o que serÃa o navegador web
Google Chrome, unha aplicación de código aberto baseada en WebKit (o mesmo navegador que
emprega o Safari de Mac OS X) integrando tamén Google Gears, máquina virtual de
Javascript chamada V8 (para acelerar as aplicacións baseadas en web), pestanas
de navegación, Omnibox (barra de enderezos con autocompletado), modo privado
coñecido polo nome de Incognito (funcionalidade como a que vén de presentar a beta 2 do Internet Explorer
8), listaxe de páxinas webs perigosas constantemente actualizada e a
posibilidade de abrir aplicacións web coma aplicacións sen a barra de
navegación nin pestanas (o que actualmente se pode facer grazas ao proxecto de Mozilla Prism).
Dá a impresión de que Google non está a traballar nun navegador web completo,
senón que o que pretenden é xuntar moitas das ferramentas que se atopan no
mercado para empaquetalas nunha mesma aplicación (estandarizando o seu uso
conxunto) aÃnda que resulta
realmente abraiante que non se basee no motor Gecko (o que emprega
Firefox).
Agárdase que a
primeira versión de proba pública de Chrome chegue nas vindeiras horas,
chegando primeiro en versión para Windows, e logo para Mac OS X e Linux. O que
non se sabe é se esta aplicación se converterá nunha ameaza para o Firefox ou
se, pola contra, se limitará aos usos que defenden dende Google, pois dende a
empresa do buscador máis popular do mundo consideran que pode ser simplemente
unha ferramenta para a execución de aplicacións web, de xeito que serÃa a
plataforma recomendada para acceder a Gmail, Google Reader e outras webs
semellantes coma se fosen aplicacións de escritorio (polo que ameazarÃa máis a
aplicacións ofimáticas que a navegadores web).
Sobre a aparencia gráfica deste Google Chrome, dende
TechCrunch filtraron unhas imaxes e vÃdeos, que xa non están
dispoñibles, polo que haberá que un chisco para poder probar o novo produto de
Google que de seguro que dará moito que falar nas vindeiras semanas.
ACTUALIZACIÓN: Dende pouco despois das 8 e media da tarde xa é posible a descarga e instalación da versión de proba de Google Chrome.