Conecta Xove volve a Verín en setembro
 O concello de Verín acollerá de novo o programa Conecta Xove en setembro (xunto con media ducia máis de localidades de toda España), tralo éxito alí acadado na anterior convocatoria, celebrada na ponte de maio. O proxecto da Fundación Esplai e Microsoft, que conta coa colaboración na comarca de Monterrei dos colectivos Portas Abertas e Femuro, vai orientado á alfabetización dixital dos adultos a mans de mozos voluntarios de entre 16 e 17 anos que fan de mestres perante os seus maiores. Nas semanas previas á apertura o programa, unha vintena de rapaces e rapazas recibirán cursos de formación de dezaseis horas sobre novas tecnoloxías e informática. Estes serviranlles para iniciar no mundo dixital as persoas adultas do seu concello. A participación máis reticente, tal e como se constatou na anterior edición, é xusto a da xente maior do medio rural. Sexa como sexa, o comité organizador confía en botar abaixo con esta noca convocatoria unha boa parte (senón toda) destes “prexuízos tecnolóxicos”. Visto na Voz.
|
