Cinemafriki convida a facer reconto do mellor do cinema en 2005... e tamén do peor
 Cinemafriki, un dos weblogs de cine máis completo que hai na Rede na nosa lingua, mira estes días cara atrás e convida ós seus usuarios e lectores a facer o mesmo. O obxectivo? Facer colectivamente unha listaxe do mellor da colleita cinematográfica de 2005, sen deixar de lado os aspectos máis negativos da mesma. E, xa que a memoria do home é tremendamente feble, ofrecen unha listaxe de todo o que se viu nas nosas pantallas, dende xaneiro ata o venres pasado. As persoas interesadas en participar xa poden facelo a través do enderezo de correo electrónico da bitácora, estando aberto o prazo ata o 15 de xaneiro. Deberán sinalarse un máximo de cinco candidatos. Polo de agora, sinalan os responsables do minicertame, non hai premios materiais, pero todo se andará...
|
