O 1º Concurso de Deseño 3D Código Cero en Vigomática xa ten gañador
 Código Cero patrocinou o 1º Concurso de Deseño 3D Código Cero en Vigomática, acadando unha participación moi elevada, de xeito que houbo que seleccionar 3 finalistas para dar a coñecer a un gañador que se fará cunha tableta gráfica Wacom.
Por unha banda, un dos artistas presentou un deseño orixinal da consola Nintendo Revolution (que finalmente non se asemellará nada a ésta), amosando un atractivo gráfico innegable (aínda que a consola real será máis elegante), polo que na loita co resto de finalistas poderiamos dicir que dedou K.O.
No enfrontamento entre un tridimensional mafioso con pinta de Marlon Brando en O Padriño, e un monstruoso súcubo coñecido coma Nosferatu (personaxe do cine mudo que tomara tal nome para non ter que pagar os dereitos de autor do Drácula de Bram Stoker), o realismo das imaxes está á altura de moitas das producións multimedia actuais. Como as imaxes non teñen son, O Padriño non chega a meter tanto medo coma o vámpiro, polo que poderiamos dicir que a obra de Luis Miguel Durán gaña o combate por puntos, quedando Nosferatu gañador deste concurso, grazas ós detalles gráficos e á impresionante iluminación acadada.
|
