|
|
|
|
|
| Xoves, 2 de Setembro de 2010 |
|
Só un 19% dos fogares galegos ten acceso a Internet, segundo o informe da Rede de Telefónica · O computador está presente no 98% das pequenas e medianas empresas e no 88% das microempresas · O 90% das pequenas e medianas empresas conta con acceso á Rede, taxa que cae de xeito estrepitoso ata o 68% no caso das microempresas. · O 44% das pemes ten sitio web, e unicamente o 22% das microempresas Polo que respecta á administración, as cifras oscilan igualmente entre o moderadamente positivo e o negativo. Do total de galegos que utilizan as novas tecnoloxías, o 29% da poboación, algo máis da metade accede ós servizos da e-Administración. Disto se desprende que aproximadamente un 17% dos galegos fan uso das ferramentas que as institucións públicas poñen á súa disposición en Internet. Ademais, o 44% ten páxina web, a maior parte dirixidos ós cidadáns. Bares e restaurantes, os que menos se conectan Este informe de Telefónica, que xa vai pola súa sexta edición, indica que o nivel de conexión de a Internet é en España directamente proporcional ó tamaño da empresa. Este dato, que pon de relevo unha situación inxusta (a peor cara da globalización), complétase coa seguinte porcentaxe: ata un 37% das microempresas españolas vive neste momento de costas á Sociedade da Información, carecendo de PC e, por suposto, de acceso á Rede. Entre as microempresas, o sector da hostalería é o menos favorecido na situación, cunha maior porcentaxe de desconexión (o 69% das empresas), seguido polo comercio minorista (53%) e o de transporte (39%), dous sectores que, como se indica no informe, son precisamente dos máis representativos da economía española. Cinco millóns de accesos de banda ancha O informe de Telefónica inclúe, como cada ano, detalles sobre o nivel de penetración de Internet a nivel español, facendo especial fincapé no que ocorre cos accesos de banda ancha. Pois ben, segundo o estudo, estímase que 31 de decembro de 2005 xa estará superada a cifra dos cinco millóns de accesos de banda ancha fixa, dos que mais do 77% baséanse na tecnoloxía ADSL. A taxa de penetración da Internet de alta velocidade sitúase en torno ó 8%% dos fogares españois que están conectados á Rede. Análise do mellorable… e do empeorable O estudo, como radiografía que é da Sociedade da Información en España, pon de manifesto todo aquilo que fai que o país estea na cola da Unión Europea en uso das ferramentas dixitais (precisa mellorar) e, ó mesmo tempo, todo aquilo polo que non hai que preocuparse (progresa axeitadamente). Para que se entenda, hai que mellorar, sobre todo, nisto: no uso do comercio electrónico. A razón? A ninguén se pode escapar a idea de que en España hai unha forte tradición mercantil presencial, con releo incluído. E a tradición, neste e noutros aspectos, é unha lousa. Pola contra, o país vai ben encamiñado na dispoñibilidade de caixeiros automáticos e terminais de venda, na conectividade a Internet e no uso de banda ancha nas empresas de máis de dez empregados. O perfil dos internautas: de que planeta veñen? España está dividida. Por unha banda están os internautas, e pola outra as persoas que nunca se conectaron á Rede. De entre estas últimas (a diferenza do que ocorre coa división do país en ideoloxías de dereita e de esquerda, moito máis inmobilistas), hai unha ampla franxa de xente á que só lle fai falla un lixeiro empurrón para converterse en internautas. Se podería dicir que están maduros. Pero este último movemento faise agardar, e as taxas e porcentaxes semella que non progresan moito de un ano para outro. Como por exemplo a da penetración de Internet na poboación, que é do 41,1%, similar abondo á do ano pasado. Segundo o informe de Telefónica, neste momento o país ten 15 millóns de internautas, que elixiron o fogar propio (nada como o fogar) como base de operacións on line referencial. Así, o 65% dos internautas son internautas caseiros, por diante dos internautas laborais, que representan o 32,7%. Polo que se refire ó seu comportamento, dicir que máis do 20% accede á Rede a cotío, mentres que o 34,6% fíxoo ó longo do último mes. A falla de interese e de formación seguen a ser os motivos principais da non utilización de Internet. Isto dáse sobre todo entre as persoas de máis idade, algo que se pode apreciar na seguinte estatística: o 70% dos mozos de idades comprendidas entre os 14 e os 19 anos acceden a Internet, fronte ó 1,6% dos maiores de 65 anos. A fenda dixital é, polo tanto tamén, unha nova fenda xeracional. Recomendacións A sexta entrega do informe A Sociedade da Información en España conclúe cunha serie de consellos e ideas tendentes a sensibilizar ós diferentes axentes públicos e privados para traballar conxuntamente a prol de superar as moitas fendas dixitais que existen dentro do país e con respecto a outros países. Aquí van uns cantos consellos: · Que España debuxe e adapte o seu propio desenvolvemento á estrutura económica e as peculiaridades socioeconómicas do país. · Fornecer o tecido industrial arredor do sector tecnolóxico (non chega con ter un bo mercado tecnolóxico). Dito doutro xeito: debería conseguirse dunha ve por todas que as pequenas e medianas empresas que constitúen este tecido industrial adopten de xeito decidido o uso das novas tecnoloxías da información. · Convencer ós cidadáns da utilidade de Internet (as barreiras para o desenvolvemento da Sociedade da Información en España non están na dispoñibilidade de infraestruturas senón na percepción da súa utilidade por parte dos potenciais usuarios). |
|
       |
|
Grupo Código Cero Comunicación |
|
Non hai cambios no que se refire á penetración da Sociedade do Coñecemento en Galiza. Segue tan baixa como sempre, á cola de España. Así o reflicte o informe da Sociedade da Información en España 2005 que vén de presentar 
