A Fundación Telefónica auspicia un programa de promoción das TIC para docentes
 A Fundación Telefónica asinou un acordo cos principais
fabricantes de produtos informáticos (Intel e Microsoft) para pór en marcha o primeiro
portal educativo especialmente orientado a proporcionar formación, ferramentas,
contidos e servizos de axuda ós docentes para o uso das TIC nas aulas.
O programa está reflectido na web Profesores innovadores, que recolle tódolos detalles
do mesmo, contando tamén coa participación doutros membros da comunidade educativa
coma poden ser sindicatos, asociacións de profesores, confederacións de pais e titulares
dos centros. Pretenden universalizar o acceso e uso educativo da Internet nas escolas españolas de ensino primario e secundario, contando xa o programa con 11.000 escolas inscritas.
|
