Unha aplicación permite a liberación do iPhone 4

Unha páxina web permite facer jailbreak aos terminais da Apple aproveitando un fallo de seguridade do lector de PDF dos mesmos pon ao alcance de calquera a instalación de aplicacións non oficiais incluso no iPhone 4, entre as que destaca a nova versión de ultrasn0w, ferramenta que instálase a través de Cydia e permite liberar o iPhone 4 con baseband 01.59 e os iPhone 3G/3GS con basebands 04.26.08, 05.11.07, 05.12.01 e 05.13.04, de xeito que os usuarios de móbiles deste tipo poderán librarse da súa vinculación cunha operadora móbil en concreto (aínda que non do seu contrato de permanencia) o que agradecerán especialmente os que sexan clientes de varias operadoras ou os que viaxen ao estranxeiro.
A liberación dos móbiles de Apple é algo moi perseguido por moitos usuarios que conseguen facerse con terminais a través de contratos de empresa, mediante a importación ou por canles tradicionais, pero que non desexan permanecer encadeados a unha única compañía telefónica, e cómpre lembrar que é unha operación totalmente legal, aínda que ao ter que facer jailbreak para o proceso, pérdese a garantía do dispositivo durante a súa liberación, de xeito que non é recomendable que a realicen os usuarios que non precisen dun móbil libre.