Un Documento Galego de Identidade para celebrar o 25 de xullo
luns, 25 de xullo do 2016
Como xa comentamos
a semana pasada, a partires de hoxe e até o 7 de agosto os dominios .gal celebrarán
o DÃa de Galicia cunha promoción
á que están acollidos os axentes rexistradores 101Domain, Arsys, CDmon,
Dinahosting, DonDominio, Host Europe e OVH, e que permite o rexistro de
dominios co sufixo galego por prezos que van entre os 19 e os 20 euros + IVE, o
que supón un interesante aforro, e animará asà a particulares, empresas e
outras institucións a dar o paso para facerse cun nome de dominio da Internet
que reflicta a súa galeguidade ou que destaque que a páxina web en concreto vai
dirixida ao público galego.
Pero a Asociación PuntoGal non quixo limitarse a celebrar a data de hoxe cunha
promoción, senón que tamén principiou unha orixinal iniciativa que consiste na xeración a través dun
formulario da súa páxina web dun Documento de Galego de Identidade (DGI),
que vén a ser unha especie de carné virtual destinado a que os usuarios de
dominios .gal o compartan nas súas redes sociais, para asà reivindicar a
condición de galegos á vez que se promociona o uso do dominio .gal.