Twitter leva varias horas funcionando con problemas

As actualizacións de Twitter non parecen estar a distribuírse entre os seus seguidores

A plataforma de microblogging Twitter volve a dar problemas, o que parecía ser cousa do pasado, pero cada vez é máis habitual. Desta volta, o servizo está a funcionar dende o punto de vista de que a web responde ao usuario, pero fracasa á hora de amosar as mensaxes dos usuarios aos seus seguidores (aínda que si poden consultarse individualmente en cada perfil).
No momento de escribir estas liñas o servizo leva 3 horas fallando e dende Twitter recoñecen a incidencia dende hai pouco máis dunha hora. Resulta preocupante que acontezan estas cousas canto máis popular é un servizo, pois o invalida como ferramenta para múltiples usos antes a súa reducida fiabilidade. Por sorte, existen moitas alternativas, entres as que están plataformas coma Facebook (que tamén experimentou problemas nas últimas semanas).
ACTUALIZACIÓN: A incidencia solucionouse finalmente quedando nunhas 3/4 horas de mal funcionamento.